【活動回顧】環境及自然保育基金資助 食享沙田 ——識飲惜食·冬季講座
2026年03月04日
冬天除咗打邊爐，仲有咩可以令身心都暖笠笠？就係大家對惜食嘅熱情啦！
我哋喺上年12月20號，於沙田瀝源社區會堂舉辦左一場冬季講座。雖然外面寒風陣陣，但見到咁多位街坊都準時嚟參與，幾乎塞滿成個會場，我哋團隊真係好感動！多謝你哋用行動支持惜食同關顧自己健康！
今次冬季講座，重點唔止係「食」，仲係要「食得環保」。好多謝營養師陳秋惠（Sharon Chan）為我哋帶黎咁豐富嘅內容，教大家點樣喺冬天進補嘅同時，善用時令食材，避免造成浪費。大家都話：原來冬天剩低嘅食材，仲可以變身做咁多款暖身料理！
見到大家最後拎住「食物福袋」滿載而歸，嗰種滿足嘅表情就係我哋最大嘅動力。
錯過咗嘅朋友，記得 Follow 我哋專頁，留意下次嘅精彩活動啦！
特別鳴謝環境及自然保育基金資助、沙田婦女會全力協助，同埋每一位願意為環保出一分力嘅你。